जेठ ३ नवलपुर ।
संक्रमणदर नघटे पछि नवलपुरमा निषेधाज्ञा दशदिन थप गरिएको छ ।
वैशाख २१ गते जिल्लामा निषेधाज्ञा लागु गरिएको थियो । सोमबार जिल्ला प्रशासन कार्यालय नवलपुरमा बसेको जिल्ला कोभिड–१९ संकट व्यवस्थापन समितिको बैठकले निषेधाज्ञालाई जेठ १४ गते रातको १२ बजे सम्म निरन्तरता दिईने निर्णय गरेको जनाइएको छ । नवलपुरमा जेठ २ गते सम्म एक हजार ५ सय ९१ जना संक्रमित भएका छन् ।
कोभिडको जाँच बढाईदै लगेकाले संक्रमितको संख्या अझै केही समय उकालो लाग्ने जिल्ला स्वास्थ्य कार्यालय नवलपुरका प्रमुख केशव प्रसाद चापागाईले बताउनुभयो ।
