बिबेक भण्डारी ।
देवचुली नगरपालिका वडा नम्बर ९ मा तेस्रो महिला तथा २७औँ खुल्ला भलिबल प्रतियोगिता हुने भएको छ । खेल आयोजक टिम जन जागृत युवा क्लबले शनिवार पत्रकार सम्मेलनको अयोजना गरि यहि पौष १० गते देखी १७ गते सम्म प्रतियोगिता संञ्चालन हुने जानकारी गराएको हो ।
क्लबका अध्यक्ष विरेन्द्रराज काफ्लेका अनुसार देवचुली ९को पर्यटन प्रबद्धन , युवा तथा महिलाहरुको सशक्तिकरण गर्न, खेलकुदमा अभिप्रेरित गर्ने लगायत उद्देश्यका साथ प्रतियोगिता आयोजना गर्न लागिएको जानकारी दिनुभयो । उहाँका अनुसार घुमाउरी पिकनिक स्पोर्टको खेल मैदानमा आयोजना हुने प्रतियोगितामा महिला १६ टिम र पुरुष १६ टिम सहभागि हुने अनुमान गरेको छ ।
प्रतियोगितामा पुरुष तर्फ प्रथम टिमलाई १ लाख ११ हजार , द्धितीय टिमलाई ६१ हजार, तृतीयलाई ३१ हजार रुपैयाको पुरस्कार राशी रहेको जनाइएको छ । यस्तै महिला तर्फ प्रथम हुने टिमलाई २० हजार, द्धितीयलाई १५ हजार र तृतीयलाई १० हजार पुरस्कार रहेको जनाइएको छ ।
