दयराम आचार्य ,कावासाेती।
आदिवासी जनजाति महासंघको केन्द्रिय अध्यक्षमा गेल्जे लामा (शेर्पा) निर्वाचित हुनु भएको छ । बिहीबार राति सम्पन्न निर्वाचनमा सोनाम लामा वालुङ्गलाई पराजित गर्दै शेर्पा विजयी हुनु भएको हो । शेर्पाले ४४ मत प्राप्त गर्दा वालुङ्गले ८ मत प्राप्त गर्नुभएको छ । महासचिवमा दिवश राई निर्वाचित हुनु भएको छ । उहाँले ३६ मत प्राप्त गर्दा अर्का उम्मेदवार सुख वीर थामीले १५ मत प्राप्त गर्नु भएको छ ।
अधिवेशनमा एमाले र कांगे्रसको गठबन्धन बनेको थियो । अध्यक्ष कांगे्रस समर्थक र महासचिव एमाले समर्थक रहनुभएको छ । एमाले, कांगे्रस एकातिर र माओवादी , संघिय समाजवादी अर्को तिर गरि गठबन्धन बनेको थियो । २१ जना पदाधिकारी मध्यक्ष अध्यक्ष र महासचिवमा मात्रै मतदान भएको थियो । पदाधिकारीका अन्य १९ पदमा समेत एमाले , कांगे्रस गठबन्धनका उम्मेदवार निर्वाचित भएका छन् ।
जस अन्र्तगत वरिष्ठ उपाध्यक्षमा बुद्ध घर्ती, खुल्ला उपाध्यक्ष युवराज जिरेल, ध्यानी उराँव, क्षेत्र बहादुर थकाली, गम्भिर सिं गुरुङ्ग भोटे, महिला उपाध्यक्षमा लाक्पा शेर्पा (ढोक्या) लहरु जिमी, श्रुती कुमाल रहनु भएको छ । उप महासचिवमा रामकृष्ण लामा ब्लोन, सचिव खुल्लामा मंगलराम दराई, गोविन्द लामा ह्योल्मो, मोहन राजवंशी, विकास सुरेल ,महिला सचिवमा ममता मेचे, छोर्गेल लामा , यमुना छन्त्याल र भद्र कुमारी बरामु निर्वाचित हुनुभएको छ ।
कोषाध्क्षमा विमल सारु मगर र सह कोषाध्यक्षमा रिदार नोसाङ्ग भोटे निर्वाचित हुनुभएको छ ।नेपाल आदिवासी जनजाती महासंघको दशौं राष्ट्रिय महाधिवेशन बुधबार देखि कावासोतीमा सुरु भएको थियो ।
