नवलपरासी (बर्दघाट सुस्ता पूर्व), २०७९ कात्तिक २७ गते
अनौपचारिक क्षेत्र सेवा केन्द्र (इन्सेक) गण्डकी प्रदेश कार्यालयको संयोजनमा नवलपरासी (बर्दघाट सुस्ता पूर्व) जिल्लामा कात्तिक २७ गते निर्वाचन पूर्व तयारीको पर्यवेक्षण तथा सरोकारवालासंग अन्र्तक्रिया गरिएको छ ।
इन्सेक गण्डकी प्रदेश संयोजक शिव खकुरेलको नेतृत्वमा जिल्लाका मुख्य निर्वाचन अधिकृत उमेश प्रसाद लुईटेल, प्रमुख जिल्ला अधिकारी सुमन घिमिरे, जिल्ला प्रहरी कार्यालय प्रमुख एसपी भुवनेश्वर तिवारी, नवलपरासी पूर्व क्षेत्र नं. २ का निर्वाचन अधिकृत कमलराज पन्थी, जिल्ला निर्वाचन कार्यालय प्रमुख लालप्रसाद भुसाल सहित जिल्लामा क्रियाशिल पत्रकारहरु संग निर्वाचन पूर्व तयारीको अवस्थाको बारेमा छलफल गरिएको थियो ।
मुख्य निर्वाचन अधिकृत उमेश प्रसाद लुईटेलले जिल्लामा शान्तिपूर्ण र भयरहित निर्वाचन सम्पन्न गर्ने गरी सम्पूर्ण तयारी सम्पन्न भएको बताउनुभयो । उहाँले निर्वाचनको क्रममा हुने पर्यवेक्षणलाई प्रभावकारी बनाउन आफ्नो तर्फबाट सहयोग हुने प्रतिबद्धता जनाउनुभयो ।
प्रमुख जिल्ला अधिकारी सुमन घिमिरेले जिल्लामा आचार संहिताको पूर्ण रुपमा पालना भएको बताउनुभयो । उहाँले जिल्लामा हाल सम्म आचार संहिता पालनको अवस्था सन्तोषजनक रहेको भन्दै निर्वाचनलाई सम्पन्न गर्न सुरक्षा व्यवस्थापन सहित मतदान केन्द्र सम्म मतपेटिका, मतपत्र लगायतको सामाग्री ढुवानीको आवश्यक पूर्व तयारी भइसकेको बताउनुभयो ।
एसपी भुवनेश्वर तिवारीले निर्वाचनको दिन पर्यवेक्षक तथा पत्रकारलाई सम्बन्धीत मतदान अधिकृतको समन्वय र अनुमतिमा निर्वाचनको कार्यक्रम प्रभावित नहुनेगरी मतदान केन्द्रमा रिर्पोटि¨, फोटो संकलन लगायतको कार्यमा सुरक्षा निकायको तर्फबाट सहयोग हुने बताउनुभयो ।
जिल्ला निर्वाचन कार्यालय प्रमुख लाल प्रसाद भुसालले मतदान केन्द्रका अधिकृत र सहायक अधिकृतहरुको लागि तालिमको काम सम्पन्न भएको बताउनुभयो । पर्यवेक्षण टोलिले मतदान अधिकृतहरुको लागि तालिम भइरहेको कुमारवर्ती बहुमुखी क्याम्पसमा स्थलगत अनुगमन समेत गरेको थियो ।
सो क्रममा जिल्ला स्थीत क्रियाशिल पत्रकारहरु संग पत्रकार महासंघ नवलपुरको सभाहलमा अन्तक्र्रिया समेत गरिएको थियो । सो क्रममा पत्रकारहरुले जिल्लामा आचार संहिता उल्लंघन, मतदान स्थलको दुरी, समाचार संकलनमा पत्रकारको पहुँच लगायतको विषयमा आफ््नो धारणा राखेका थिए । महासंघ जिल्ला अध्यक्ष विरेन्द्र पराजुलीले जिल्ला स्तरिय सुरक्षा संयन्त्र सहितको बैठकमा पत्रकारलाई सुचना र समाचारमा सहज पहुँचको वातावरण सृजना गर्न सजक गराएको बताउनुभयो । उहाँले जिल्लामा यस अगाडी सम्पन्न निर्वाचनहरुमा पनि पत्रकारहरुलाईले भोगेका समस्याबाट सजग भई त्यसको बारेमा नै पूर्व तयारीमा रहन र निर्वाचन आचार संहिताको पूर्ण पालना गर्न सबै पत्रकारलाई अनुरोध गरेको बताउनुभयो ।
पत्रकार दयाराम आचार्यले जिल्लाका केही मतदान केन्द्रबाट १० किलोमिटर सम्मको दुरीका स्थानीय मतदानको लागि पुग्नु पर्ने अवस्था रहेको बताउनुभयो । गत वर्ष पहिरोको कारण विस्थापित भएका हुप्सेकोटका स्थानीय मतदानको लागि पुग्न भोग्नु पर्ने समस्या बारे समयमा नै सजक बन्न आवश्यक ुरहेको उहाँको भनाई थियो ।
सो क्रममा इन्सेक गण्डकी प्रदेशका संयोजक शिव खकुरेलले पत्रकार, मानव अधिकारकर्मी, पर्यवेक्षक सबै निर्वाचनको अनुगमनसंगै त्यसलाई शान्तिपूर्ण रुपमा सम्पन्न गर्नका लागि आफ्नो स्थानबाट प्रतिबद्ध रहनु पर्ने बताउनुभयो । उहाँले कोही पनि मतदाता मताधिकारबाट बञ्चीत हुने अवस्था सृजना हुन नदिन आफ्नो स्थानबाट भूमिका खेल्न पत्रकारहरुलाई अनुरोध गर्नुभयो ।
