बिबेक भण्डारी
हिन्दु धर्मावलम्बीहरुले आज देशैभर मकर संक्रान्ति पर्व मनाउँदैछन्। मकर संक्रान्तिका अवसरमा विभिन्न धार्मिक स्थल, नदी, जलासय तथा कुण्डहरुमा दर्शन तथा स्नान गर्ने भक्तजनहरुको घुइँचो लागेको छ । यस्तै नवलपुर जिल्लाका विभिन्न धामहरुमा भक्तजनहरुको भिडलागेको छ ।
देवचुली नगरपालिका वडा नं.१मा रहेको दिव्यधाममा पनि यस वर्षको माघे संक्रान्ति स्नान तथा पुजापाठ गर्न भक्तजनहरुको घुइचो लागेको थियो । नारायणि नदी नजिक भएकाले स्नान र पुजापाठ गर्न आउनेको संख्या बढेको हो ।
कावासोतीको पिठौली, बाघखोर लगायतका क्षेत्रमा पनि माघे संक्रान्तिको पुजापाठ तथा स्नान गर्न भक्तजनहरुको विहानै देखि भिडलागेको थियो । स्नान गरी पूजा गर्नाले मोक्ष मिल्ने र मनोकामना पूरा हुने विश्वास रहेको छ ।
