देवचुली ।
नारायणी नदीमा डुबेर नवलपुरको देवचुली नगरपालिका–१ केउरेनीका १५ वर्षीय संयोग ढकालको ज्यान गएको छ ।
गर्मी छल्नका लागि नारायणी नदीमा पौडी खेल्न गएका ढकाल नदीमा डुबेर बेपत्ता भएका थिए । सोमबार बेपत्ता भएका ढकाल मंगलबार बिहान मृत अवस्थामा फेला परेको जिल्ला प्रहरी कार्यालय नवलपुरका सूचना अधिकारी डिएसपी सन्तोष पाठकले जानकारी दिए ।
मृत अवस्थामा फेला परेका ढकालको शवलाई पोष्टमार्टमका लागि देवचुली नगर अस्पताल, दुम्कौलीमा राखिएको छ ।
